Қорғаныш көп қабатты шыны — арнайы пеште термиялық өңдеу әдісімен немесе автоклавты пайдаланбай вакуумдық ламинациялау тәсілімен желімделген екі (триплекс) және одан көп (полиплекс) шыны жаймалардан тұратын композиция. Шыныларды біріктіру полимер қабаты — әртүрлі маркалы үлдірлер (PVB, EVA) арқылы жүзеге асырылады. Полимер соққы энергиясының бір бөлігін бәсеңдететін амортизатор ретінде әрекет етеді, ал көп қабатты шыны қираған кезде қауіпті сынықтарды ұстап қалып, олардың шашырауына және адамдардың өмірі мен денсаулығына қауіп төндіруіне жол бермейді. Көп қабатты құрылымның химиялық төзімділігі, қажалуға және сызаттарға төзімділігі оның құрамына кіретін табақ шынылардікі сияқты жоғары.
Көп қабатты шыны әртүрлі мақсаттағы ғимараттарды ішкі және сыртқы әйнектеуге арналған — көппәтерлі және жеке үйлерден бастап кеңселерге, сауда орталықтарына, әскери және мамандандырылған нысандарға дейін. Заманауи технологиялар бойынша дайындалған ол бұзуға, соққыларға және атыс қаруының барлық түрлерінен атылған оқтарға қарсы тұра алады, шабуыл қаупі, соның ішінде қарулы шабуыл қаупі бар жағдайларда қорғайды. Соңғы онжылдықтарда бронды шынылар тек музейлерде, банктерде және мемлекеттік мекемелерде ғана емес, адамдар мен материалдық құндылықтарды барынша қорғау үшін жеке құрылыста да жиі қолданылады. Олар сондай-ақ терезелерді, есіктерді, баспалдақтарды, жарық өткізетін қалқаларды, еден-жабындарды, жоғары температура мен қысым жағдайында жұмыс істейтін аспаптар мен аппараттарды дайындауда, көлік құралдарын әйнектеуде пайдаланылады.
ФОТОТЕХ зауыты — қорғаныш және арнайы шынылардың тікелей өндірушісі. Біздің қуаттарымыз кез келген пішіндегі және өлшемдегі, соның ішінде иілген (моллирленген) көп қабатты жаймаларды дайындауға мүмкіндік береді. Біз жекелеген қорғау түрлеріне арналған арнайы шыныларды ұсынамыз, сондай-ақ әртүрлі сипаттамалардың үйлесімі бар шыны пакеттерді дайындаймыз. Біз өндіретін өнімнің қорғаныш функцияларының кластары ГОСТ 30826-2014 талаптарына сай келеді.
